سەردێر

ئەمساڵ زۆرترین پڕۆژە لە هەولێر جێبەجێدەكرێت

خەڵك
بەڕێوەبەری چاككردنەوەی رێگاوبانی هەولێر ڕایگەیاند، ژمارەیەكی زۆر پرۆژەی چاككردنەوەی رێگا و پردەكان ئامادەكراون و ئەمساڵ زۆرترین پڕۆژە جێبەجێ دەكرێت.

عیماد دڵشاد بەڕێوەبەری چاككردنەوەی رێگاوبانی هەولێر بۆ ماڵپەڕی فەرمی پارتی وتووە، پڕۆژەیەكی زۆری رێگاوبان لە سنووری پارێزگای هەولێر ئامادەكراون بۆ ئەوەی جێبەجێ بكرێن.

ئاماژەی بەوەشكردووە، سێ جۆر پرۆژە هەیە كە جێبەجێ دەكرێن، كۆمەڵێكیان پەیوەندیی بە پارێزگای هەولێرەوە هەیە و كۆمەڵێكی تریشیان پەیوەندیی بە وەزارەتی ئاوەدانكردنەوە هەیە وكۆمەڵێكی دیكەش پەیوەندیی بە قەپانەوە هەیە و بۆ رێگا سەرەكییەكان بەكاردێت.

ئەوەشی خستووەتەڕوو، ئێستا ٢٧ پڕۆژە لەسەر بودجەی پارێزگای هەولێر بۆ نۆژەنكردنەوەی رێگاوبانەكان ئامادەكراوە و لە ماوەیەكی نزیكدا دەست پێدەكات.

وتوشیەتی، ٢٤ پرۆژەی گەورەی رێگاوبانیش ئامادەكراوە لەسەر بودجەی وەزارەتی ئاوەدانكردنەوە كە پڕۆژەی خێران و هەركاتێك رەزامەندییان لەسەردرا دەست بە جێبەجێكردنیان دەكرێت.