سەردێر

قائیمقامی سلێمانی: ئەمڕۆ رۆژی بەرزراگرتنی ھێما و سیمبولی كوردیمانە

خەڵك-
لە ڕۆژی جلی كوردیدا قائیمقامی سلێمانی پەیامێك بڵاودەكاتەوە و دەڵێت: “ئەمڕۆ ڕۆژێكی نیشتیمانییە، ڕۆژی بەرزڕاگرتنی ھێما و سیمبولی كوردیمان و دابونەریتی بەرزی كوردەواریمانە ، ئەم ڕۆژە لەھەموو كوردێك پیرۆز دەكەم”.

ئاوات محەمەد، قائیمقامی سلێمانی لە پەیامێكی پیرۆزباییدا بەبۆنەی ڕۆژی جلی كوردییەوە ڕایگەیاند، “ئەمڕۆ ڕۆژێكی گرنگە لە مێژووی نەتەوەكەماندا، ڕۆژی بەرزڕاگرتن و نمایشكردنی سیمبولی نەتەوایەتیمانە، جل و بەرگێك بووەتە ناسنامە و سیمبولی ڕەسەنایەتی و ئازایەتیمان لە سەرتاسەری دونیا”.

ڕاشیگەیاندووە، ئەمڕۆ ڕۆژی جل و بەرگی سەركردە و ھێما دیارەكانی گەلەكەمان و پێشمەرگە و ھەموو كوردێكی خاوەن ھەڵوێستە.

ئاماژەی بەوەشكردووە، ئەمڕۆ ڕۆژێكی نیشتیمانییە بۆ ھەموو كوردێك، ڕۆژی بەرزڕاگرتنی ھێما و سیمبولی كوردیمان و دابونەریتی بەرزی كوردەواریمانە ، لەم ڕۆژەدا جێی خۆیەتی شانازی بە جل و بەرگ و كوردبوونمان بكەین، ئەم ڕۆژە لە ھەموو كوردێك پیرۆز دەكەم”.