سەردێر

ئەمڕۆ بڕیار لەسەر پڕۆسەی خوێندن دەدرێت

خەڵك-

ئەمڕۆ چوار شەممە 10-3-2021 لیژنەی باڵای ڕووبەڕبوونەوەی كۆرۆنا كۆدەبێتەوە و چەند بڕیارێك دەدات.

بەپێی زانیارییەكان، ئەمڕۆ كاتژمێر 2:30 لیژنەی باڵای رووبەڕبوونەوەی كۆرۆنا لە شاری هەولێر كۆدەبێتەوە و تاوتوێ دواین دۆخی كۆرۆنا لە هەرێمی كوردستان دەكات و بڕیار لەسەر چۆنێتی بەردەوامی پڕۆسەی خوێندن دەدرێت.

نزیكەی دوو مانگە پڕۆسەی خوێندن لە هەرێم دەستیپێكردووەتەوە و لەو ماوەیەدا دووجار لیژنەی بالای كۆرۆنا كۆبوونەوە و ئاماژەیان بۆ ئەوە كردووە لە ئەگەری دروستبوونی مەترسی بۆسەر مامۆستایان و خوێندكاران دەرگای خوێندنگەكان دادەخرێن.

هەر بەپێی زانیارییەكان لیژنەكە ڕێگری لە زیندووكردنەوەو كۆبوونەوەی جەماوەری دەكەن بەبۆنەی یادەكانی ئادار و نەورۆز و بۆنەكان بەڕێوەناچن.

ئەمەش لەكاتێكدایە، لە ماوەی چەند ڕۆژی ڕابردوو تووشبووانی كۆرۆنا ڕووی لە زیادبوون كرد، بەشێوەیەك دوێنێ نزیكەی 350 كەس تووشی ڤایرۆسەكە بوون.