سەردێر

عیراق، سبەینی كرا بە پشووی فەرمی

خەڵك-
ئەنجومەنی وەزیرانى عيراق بڕیاریدا سبەینێ‌ چوار شەممە بە بۆنەی یادی كۆچی دوایی ئیمام موسا كوڕی جەعفەر ئەلكازم، بكاتە پشووی فەرمی.

لە بەیاننامەیەكی كورتدا كە لەلایەن ئەنجومەنی وەزیرانی عیراقەوە بڵاوكرایەوە”لە پشوەكەی سبەینێدا فەرمانگە خزمەتگوزاریی و ئەمنییەكان بەدەركراون”.

مسوڵمانانی شیعەی ئیمامی لە عیراق، هەموو ساڵێك لە 25ی مانگی ڕەجەبدا یادی كۆچی دوایی موسا كوڕی جەعفەر كوڕی محەمەد كوڕی حسێنی كوڕی عەلی كوڕی ئەبی تاڵيب دەكەنەوە و چەندان ملیۆن زیارەتكەر سەردانی مەزارەكەی دەكەن لە گەڕەكی كازمیەی باكووری بەغدای پایتەخت.