سەردێر

پەروەردە، بڕیار لە پشووی ناوەندەكانی خوێندن دەدات

خەڵك – یەحیا حبیب

ئەمڕۆ سێ شەممە، بەڕێوەبەرایەتی گشتی پەروەردەی پارێزگای هەڵەبجە ڕایگەیاند، پشووەكانی (11 – 14 مارس) ناوەندەكانی خوێندن ناگرێتەوە.

لە ڕاگەیاندراوێكدا بەڕێوەبەرایەتی گشتی پەروەردەی پارێزگای هەڵەبجە ڕاگەیاند، ئاگاداری سەرجەم قوتابخانە و خوێندنگاكانی سنووری بەڕێوەبەرایەتی گشتی پەروەردەی پارێزگای هەڵەبجە دەكەین كە ڕۆژانی پشووی 11 و ١٤-٣-٢٠٢١ ناوەندەكانی خوێندن ناگرێتەوە.

جەختیشیكردەوە، هەر پشوویەك ناوەندەكانی خوێندن بگرێتەوە بە نووسراوی فەرمی ئاگادارتان دەكەینەوە .

حكومەتی هەرێمی كوردستان 11 و 14 و سێ ڕۆژی كردە پشووی نەورۆز، بەڵام بەهۆی ڤایرۆسی كۆرۆنا و دواكەوتنی پڕۆسەی خوێندن، بەشێك لەو پشوانە پەروەردە ناگرێتەوە.