سەردێر

بۆ دووەم ساڵ فێستیڤاڵی شارەزوور ڕاگیرا

بەهۆی كۆرۆناوە دووەم ساڵە فیستیڤاڵی ڕۆژی شارەزوور ڕادەگیرێت

 

خەڵك – یەحیا حبیب

بۆ ڕێگریكردن لە بڵاوبونەوەی ڤایرۆسی كۆرۆنا، بۆ دووەم ساڵ فیستیڤاڵی ڕۆژی شارەزوور لە ژێر دروشمی (ڕاپەڕین، ژن، بەهار و نەورۆز) گەروی شارەزوورن ڕاگیرا.

جەمال مستەفا، بەڕێوبەری نوێی ڕۆشنبیری و هونەری شارەزوور لە لێدوانێكدا بە (خەڵك)ی ڕاگەیاند، “بەداخەوە ئەمساڵ بەهۆی هەبونی مەترسی دووبارە بڵاوبونەوەی ڤایرۆسی كۆرۆنا لە سنوری شارەزووردا فیستیڤاڵی ڕۆژی شارەزوور و تەواوی جوڵە و كۆبوونەوە هونەری و ئاینیەكان ڕاگیرا بە فەرمانی وەزارەتی ناوخۆی حوكمەتی هەرێمی كوردستان “.

وتیشی، “ئێمە ئامادەكاری تەواومان كردووە بۆ ئەنجامدانی فێستیڤاڵی ڕۆژی شارەزوور و بەرز ڕاگرتنی یادی ڕاپەڕینی خەڵكی ناوچەكەمان بەڵام دواجار تەندروستی هاوڵاتیانی شارەكەمان لا گرنگترە هەر بۆیە ئەمە بۆ دووهەم ساڵە فیستیڤاڵ ئەنجام نادرێت “.

فیستیڤاڵی ڕۆژی شارەزوور فیستیڤاڵێكی ساڵانەیە كە بەڕێوەبەرایەتی گشتی ڕۆشنبیری و هونەری سلێمانی و بەشی ڕۆشنبیری و هونەری شارەزوور بە چاودێری قائیمقامی شارەزوور ئەنجام دەدرێت، بەڵام بەهۆی ڤایرۆسی كۆرۆناوە دووساڵە ڕادەگیرێت.