سەردێر

پەڕلەمانی كوردستان لەسەر چەند پرسێك كۆدەبێتەوە

خەڵك-

سەرۆكی پەرلەمانی كوردستان بانگهێشتی پەڕلەمانتاران دەكات بۆ كۆبوونەوەی پەڕلەمان.

د.ڕێواز فایەق، سەرۆكی پەڕلەمانی كوردستان لە ڕاگەیەنراوێكدا ئاماژە بۆ ئەوە دەكات، پشت بەستن بەحوكمی بڕگەی (سێیەم) لەماددەی (18)ی پەیڕەوی ناوخۆی پەڕلەمانی كوردستان-عێراق، بڕیارماندا بانگهێشتی گشت ئەندامە بەڕێزەكانی پەڕلەمان بكەین بۆ دانیشتنی ژمارە (2)ی ئاسایی خولی بەهارەی ساڵی سێیەم لەخولی هەڵبژاردنی پێنجەمی پەڕلەمانی كوردستان-عێراق.

ئاشكراشیكرد، كۆبوونەوەكە لە كاتژمێر (11)ی پێشنیوەڕۆی ڕۆژی دوو شەممە ڕێكەوتی 2021/3/8، دەبێت تكایە لەكاتی دیاریكراودا ئامادەبن.

لای خۆشیەوە، دەستەی سەرۆكایەتی پەڕلەمان، بەرنامەی كاری كۆبوونەوەكەی ئاشكراكرد و ئاماژە بۆ ئەوە دەكات، بەپێی حوكمی ماددەی (5)و بڕگەكانی (یەكەم و دووەم و سێیەم) لەماددەی (16)و بڕگەی (سێیەم) لەماددەی (18)و بڕگەكانی (یەكەم و دووەم و سێیەم و چوارەم و پێنجەم) لەماددەی (20)و ماددەكانی (47، 48، 52، 54، 55، 56، 57)، لەپەیڕەوی ناوخۆی پەرلەمانی كوردستان-عێراق، دەستەی سەرۆكایەتی پەڕلەمان بڕیاریدا بەرنامەی كاری دانیشتنی ژمارە (2)ی ئاسایی خولی بەهارەی ساڵی سێیەم لەخولی پێنجەمی هەڵبژاردنی پەڕلەمان، بەم شێوەیە بێت،
یەكەم: خستنەڕووی ڕاوبۆچوونی پەڕلەمانتاران سەبارەت بەڕاپەڕینە مەزنەكەی گەلەكەمان لەساڵی 1991. (بۆ ماوەی چل دەقیقە)
دووەم: خوێندنەوەی دووەم بۆ پێشنیازەیاسای (پاراستنی بەرهەمە خۆماڵییەكان لەهەرێمی كوردستان-عێراق)، بەپێی حوكمی ماددەكانی (87، 88، 89) لەپەیڕەوی ناوخۆی پەڕلەمانی كوردستان.