سەردێر

ئاگاداریەك لە هاتووچۆی هەولێرەوە

خەڵك
وتەبێژی هاتوچۆی هەولێر رایگەیاندووە، بەپێی بڕیارێك، دەبێ سەرجەم ئەو ئۆتۆمبێلانەی كە تۆمارنەكراون سەردانی بەڕێوبەرایەتی هاتوچۆی هەولێر بكەن بە مەبەستی پشكنین و سەرژمێریكردنیان.

فازڵ حاجی وتەبێژی هاتوچۆی هەولێر رایگەیاندووە، دەبێ سەرجەم ئەو ئۆتۆمبێلانەی كە تۆمارنەكراون واتە، بێ سەرەتا، ژمارە كاتی، بێ ئاڕم و كارتن، لە رێككەوتی (7/3 – 25/3) سەردانی بەڕێوبەرایەتی هاتوچۆی هەولێر بكەن بە مەبەستی پشكنین و سەرژمێریكردنیان.

ئاماژەی بەوەشكردووە، هەر كەسێك لە ماوەی دیاریكراودا سەردانی بەڕێوەبەرایەتی هاتوچۆ نەكات، بەرپرسیارێتی دەكەوێتە ئەستۆی خۆی، كە لە داهاتوودا دیاریدەكرێت.

بەپێی بڕیارەكەی بەڕێوەبەرایەتی هاتووچۆی هەولێر، پشكنینەكان تەنیا بۆ ئۆتۆمبێلی تایبەت و پیكاب دەبێت، هیچ كەسێكیش ناتوانێت زیاتر لە دوو ئۆتۆمبێل بەناوی خۆیەوە بكات، خاوەنی ئۆتۆمبێلیش پێویستە ساڵانەو رەگەزنامەی عێراقی یان كارتی نیشتمانی پێبێت، پشكنینیش تەنیا بۆ ئۆتۆمبێلی مۆدێل (2002 – 2018) دەكرێت.

بەڕێوەبەری راگەیاندنی هاتوچۆی هەولێر دەڵێت، بڕیارەكە هەمو ئۆتۆمبێلە تۆمارنەكراوو بێ سەرەتاكان دەگرێتەوە بەمەلیكە و بەئۆتۆمبێلی ئەوروپیشەوە.