سەردێر

لە قەڵادزێ تەرمی ژنێك گەیەنرایە نەخۆشخانە

خەڵك-
بەڕێوەبەرایەتی پۆلیسی ڕاپەڕین ئاشكرای دەكات، كە تەرمی ژنێك گەیەنراوەتە نەخۆشخانە و تا ئێستتا هۆكاری مردنەكەی نەزانراوە.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ئاماژەی بەوەكردووە، كاتژمێر 3:00ی دوانیوەڕۆی ئەمڕۆ تەرمی ژنێك بەناوی (ن . م . ع ) لەدایكبووی ساڵی 1994، پیشەی ژنی ماڵ، دانیشتووی قەڵادزێ (گەڕەكی شەهیدان) گەیەندرایە نەخۆشخانەی گشتی قەڵادزێ.

ڕاشیگەیاندووە، تائێستا هۆكاری مردنەكەی نەزانراوە و بەمەبەستی هۆكاری ڕاستەقینەی مردنەكەشی تەرمەكەی بەڕێكرا بۆ پەیمانگای پزیشكی دادوەری سلێمانی.

جەختیشی كردۆتەوە، دۆسیەی لێكۆڵینەوە بۆ ڕووداوەكە ڕێكخراوە و لێكۆڵینەوەش بەردەوامە.