سەردێر

لە هەولێر هەڵمەتی دەستبەسەرداگرتنی چەقۆ و دامبۆكس دەستی پێكرد

خەڵك-

پۆلیسی نەهێشتنی تاوان لە هەولێر دەست بەسەر دەیان دامبۆكس و چەقۆدا دەگرێت و وتەبێژی پۆلیسیش دەڵێت: “هەڵمەتەكە بەردەوام دەبێت تا ئەو دیاردەیە بنبڕ دەكرێت”.

ڕائید هۆگر عەزیز، وتەبێژی پۆلیسی هەولێر بۆ (خەڵك) ئاماژەی بەوەكرد، بەشی پۆلیسی نەهێشتنی تاوانی هەولێر، لە هەڵمەتێكدا دەستیان بەسەر دەیان دامبۆكس و چەقۆدا گرت، كە لە هەندێك شوێن كڕین و فرۆشتنیان پێوە دەكرا.

وتیشی، “هەڵمەتەكە بەردەوام دەبێت، تا دیاردەی فرۆشتن و هەڵگرتنی چەقۆ و دامبۆكس و سەرجەم ئامرازە قەدەغەكراوەكان بنبڕ دەكرێت”.

لە ماوەی ڕابردوودا بەپێی ئامارەكانی پۆلیس، بەشی زۆری ئەو شەڕانەی ڕوویانداوە بریندار كردن بووە بە چەقۆ و دامبۆكس، كە هەندێك جار برینی بریندارەكان سەخت بووە.

May be an image of indoor

No photo description available.May be an image of jewelry and indoor