سەردێر

چەكی پارەی گەنمی جوتیاران ئامادەکرا

خەڵك-
بەپێی وتەی ئەندامێكی پەڕلەمانی عێراق  ئەمڕۆ چەكی پارەی گەنمی جوتیاران ئامادەكراوە و بڕیارە لە ماوەی هەفتەیەكدا بگاتە دەستی جوتیاران.

موسەننا ئەمین ئەندامی پەڕلەمانی عێراق ڕاگەیاند: ئێوارەی دوێنێ چوار شەممە بەڕێوەبەری گشتی بازرگانی بەغدا ئاگاداری كردینەوە كە ئەمڕۆ چەكی پارەی جوتیارانی هەرێمی كوردستان ئامادە دەكرێت.

وتیشی، ئەمڕۆ بەدواداچونم بۆ ئەو پرسەكردو دەركەوت كە بەیانی ئەمڕۆ پێنج شەممە دەست بە  ئامادەكردنی ئەو چەكانە كراوەو لە ماوەی هەفتەیەكدا مافی جوتیاران دەگاتە گیرفانی جوتیاران.