سەردێر

فڕۆكە جەنگییەكان دەوروبەری جەلەولا بۆردومان دەكەن

خەڵك-
فڕۆكە جەنگییەكان هێرشی چڕ دەكەنە سەر پێگەكانی داعش لە دەوروبەری ناحیەی جەلەولا.

ئەمڕۆ چوار شەممە، سەرچاوە ئەمنییەكان بە میدیاكانی عیراقییان ڕاگەیاند، فڕۆكە جەنگییەكانی سوپای عیراق و هاوپەیمانی نێودەوڵەتی، سێ‌ پێگەی ڕێكخراوی داعشییان لە قوڵایی ناوچەی زۆر شێخ بابا لە دەوروبەری ناحیەی جەلەولا بۆردومان كرد.

بە وتەی سەرچاوەكان، بۆردومانەكە توند بووە، بەڵام قەبارەی ئەو زیانانە نەزانراون كە بە ڕیزەكانی داعش گەیشتوون.

پاشماوەی چەكدارانی ڕێكخراوی داعش، تائێستاش لە ناوچەكانی زۆر شێخ بابا عەلی دەوروبەری ناحیەی جەلەولا جموجۆڵ و چالاكییان هەیە، لەو ڕووەوەشەوە سودییان لە پێكهاتەی جوگرافی ناوچەكە وەرگرتووە كە لە دارستان و گردۆڵكەی بەرفراوان پێكدێت.