سەردێر

لە سلێمانی 13 شوێن داخران

بەهۆی پابەند نەبوون بە مەرج و ڕێنماییەكانی كاركردن، قائیمقامیەتی سلێمانی بە هاوكاری بەڕێوەبەرایەتی ئاسایشی سلێمانی (13) شوێنی خواردن و خواردنەوە دادەخات.

لیژنە هاوبەشەكانی قائیمقامییەتی سلێمانی ڕایدەگەیەنێت، بەهۆی پابەندنەبوون بە مەرج و ڕێنماییەكانی كاركردن بە گشتی و مەرجەكانی تەندروستی و گەشتوگوزار بەتایبەتی، لیژنەكانیان بە هاوكاری بەڕێوەبەرایەتی ئاسایشی سلێمانی (13) شوێنی خواردن و خواردنەوە لە گەڕەكی سەرچناری شاری سلێمانی دادەخات.

لیژنە هاوبەشەكانی قائیمقامییەتی سلێمانی ئاماژەی بەوەشداوە، هەریەك لە خواردن و خواردنەوەكانی (ڕەزان، ئەوین، ماڵی سێوە، VIP، كەرنەڤاڵ شیراتۆز، سایە گوڵ 2، ئیو، ڤین، شنە، چاینا، بیك سپیندەر و چاینینا) بە فەرمانی قائیمقامی سلێمانی سەرجەمیان دادەخرێن و خاوەنەكانیشیان ڕووبەڕووی ڕێكاری یاسایی دەكرێنەوە.

خەڵك – بەشی هەواڵ



هەلبژاردە

گرنگترینەکان