سەردێر

سێ‌ تۆمەتبار بە سێ‌ كیلۆگرام ماددەی هۆشبەرەوە دەستگیركران

خەڵك-
بەڕێوەبەرایەتی گشتی نەهێشتنی ماددە هۆشبەرەكانی سۆران، ئاماژە بە دەستگیركردنی سێ تۆمەتبار دەكات بە سێ كیلۆ ماددەی هۆشبەرەوە كە یەكێكیان ئێرانییەو دو كەسەی تر خەڵكی هەرێمی كوردستانن.

بەپێی ڕاگەیەندراوێك كە لەلایەن بەڕێوەبەرایەتی گشتی نەهێشتنی ماددە هۆشبەرەكانی سۆران بڵاویكرایەوە” دوێنێ دووشەممە لەلایەن هێزەكانیانەوە لەناو شارۆچكەی سۆران توانرا دەستبگیرێت بەسەر بڕی سێ كیلۆ ماددەی هۆشبەر لەجۆری شیشە لەگەڵ دەستگیركردنی سێ تۆمەتبار”.

هەر لە ڕاگەیەندراوەكەدا هاتووە” یەكێك لە دەستگیركراوان ئێرانییە و دو كەسەی دیكەش خەڵكی هەرێمی كوردستانن، تۆمەتبارەكان پەڕاوی لێكۆڵینەوەیان بۆ كراوەتەوە و دراونەتە دادگا”.