سەردێر

تەرمی هاووڵاتیەك دۆزرایەوە

خەڵك-
لەنزیك نەخۆشخانەی شار لە سلێمانی تەرمی هاووڵاتیەك دۆزرایەوە و بەمەبەستی زانینی هۆكاری مردنەكەی تەرمەكەی ڕەوانەی پزیشكی دادوەری كرا.

سامان نادر بەڕێوەبەری سەنتەری فریاگوزاری تەندروستی سلێمانی بە (خەڵك) ی رایگەیاند، بەرەبەیانی ئەمڕۆ سێشەمە تەرمی هاوڵاتیەك لەنزیك نەخۆشخانەی شار لە شەقامی بازنەیی مەلیك مەحمود دۆزراوەتەوە و بەمەبەستی زانینی هۆكاری گیانی لەدەستدانی ئەو هاوڵاتیە، تەرمەكەی گوازراوەتەوە بۆ پزیشكی دادی سلێمانی.

وتیشی، تائێستا بەڕونی نازانن هۆكاری روداوەكە چیبوەو ئەو كەسەی گیانی لەدەستداوە هیچ ناسنامەیەكی پێنەبوە، بۆیە دوای دەرچونی پشكنینەكان هۆكارەكەیان بۆ دەردەكەوێت.

بەپێی زانیاریەكان “ئەو هاوڵاتیە لەسەرمادا ڕەقبووەتەوە”.