سەردێر

بەسەدان مریشك وپەلەوەر لەناوچوون

خەڵك-بەشی هەواڵ
لەشارەدێی سیدەكانی دەڤەری برادۆست بەهۆی جۆرە ڤایرۆسێكەوە بەسەدان مریشك و قەل لەناوچوون.

د.زەید لەتیف یاریدەری پزیشكی ڤێتەرنەری سیدەكان بە(خەڵك)ی ڕاگەیاند” ماوەی چەندڕۆژێكە جۆرە نەخۆشیەك لەناوپەلەوەرەكانی ناوچەكەمان بڵاوبۆتەوە بەهۆی ئەوەی هاووڵاتیەك بۆمەبەستی بژێوی ژیانی خۆی هەندێك لەمریشكی هێلككەر لەیەكێك لە دەواجینەكان دێنێت بۆناوسەنتەری ناحیەكەو بەهەرزان بەخەڵكی دەفرۆشێت و دواتریش جۆری نەخۆشیەكە بەناوپەلەوەری خۆماڵی تێكەڵ دەبێت و بڵاودەبێتەوە.

وتیشی: پێدەچیت ئەم جۆرە نەخۆشیە ئەنفلوەنزای باڵندەبێت ولەماوەی یەك تا دوورۆژیش پەلەوەرەكان تووشی نەخۆشیەكە دەبن و مرداردەبن وەهیج جۆرە دەرمانێك وچارەسەرێكیشی بۆناكرێت وئەمەش وای كردووە بەدەیان مریشك وقەل وپەلەوەری خۆماڵی لەناوبچن هەر بۆیە داوا لە خاوەن پەلەوەرو دەواجینەكان دەكەین بۆئەوەی پەلەوەرەكانیان دوورووبن لەم جۆرەنەخۆشیانە ڤاكسین بەكاربهێنن وبیانكوتن.

ناحیەی سیدەكان سەربەقەزای سۆرانە لەسنوری پارێزگای هەولێر زۆربەی دانیشتوانی ئەم ناوچەیە بەپیشەی كشتوكاڵی وئاژەڵداریەوە خەریكن وشوێنێكی گونجاویشەبۆبەخێوكردنی پەلەوەرو مەڕوماڵات.