سەردێر

ماڵێك گڕیگرت

هۆكاری ڕووداوەكە شۆرتی كارەبا بووە لە زۆپایەكی كارەبایی

خەڵك-بەشی هەواڵ
لە گەڕەكی 92 ی شاری هەولێر ئاگر لە ماڵێك كەوتەوە كە پێنج ئەندامی خێزانێكی تێدابوو جگە لە زیانی ماددی هیچ زیانێكی گیانی بەدواوە نەبوو.

سەركەوت كاڕەش وتەبێژی بەرگری شارستانی پارێزگای هەولێر بە (خەڵك) ی ڕاگەیاند، بەیانی ئەمڕۆ لە گەڕەكی 92ــی شاری هەولێر ئاگر لە ماڵێك كەوتووەتەوە كە پێنج ئەندامی خێزانێك لە ماڵەكەدا بوون و سەرجەمیان لەلایەن تیمەكانی ئاگر كوژێنەوەوە ڕزگار كران.

وتیشی، هۆكاری ڕووداوەكە شۆرتی كارەبا بووە لە زۆپایەكی كارەبایی و هیچ زیانێكی گیانی بەدواوە نەبووە تەنها زیانی ماددی هەبووە .

ئاماژەی بەوەشكرد،” داوا لە هاوڵاتیان دەكەین بە وریاییەوە ئامێرە كارەباییەكانی گەرمكردنەوە بەكاربهێنن و لەكاتەكانی خەوتنیاندا بەداگیرساوی بەجێی مەهێڵن.