سەردێر

پۆلیسی سلێمانی: تەقەكەرێك دەستگیر كرا

بەڕێوەبەرایەتی پۆلیسی پارێزگای سلێمانی ڕایدەگەیەنێت: دوای ئەوەی ڕووداوێكی تەقەكردن لە (شەقامی سالم – سەهۆڵەكە) ڕوویدا، هێزەكانیان دەستبەجێ‌ تەقەكەرەكەیان دەستگیر كردووە.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ڕایگەیاند، لەچوارچێوەی ھەڵمەتە بەردەوامەكانی بەڕێوەبەرایەتی پۆلیسی پارێزگای سلێمانی كە بەسەرپەرشتی ڕاستەوخۆی بەڕێوەبەری پۆلیسی پارێزگای سلێمانی بەڕێوەدەچێت بۆ دەستگیركردنی ئەو كەسانەی تەقە دەكەن و ئارامیی و ھێمنی شار دەشێوێنن و ترس و دڵەڕاوكێ لای ھاووڵاتیان دروستدەكەن، ھێزەكانی پۆلیسی پارێزگای سلێمانی – بنكەی پۆلیسی ڕزگاری تەقەكەرێكیان دەستگیركرد.

بەڕێوەبەرایەتی پۆلیسی پارێزگای سلێمانی ڕوونیشیكردووەتەوە، دوای ئەوەی ڕووداوێكی تەقەكردن لەشاری سلێمانی (شەقامی سالم – سەهۆڵەكە) ڕوویدا، مەفرەزەكانی بنكەی پۆلیسی ڕزگاری دەستبەجێ‌ گەیشتنە شوێنی ڕووداوەكە و توانرا تەقەكەرەكە دەستگیربكرێت، ھەروەھا دەستیشگیرا بەسەر ئوتۆمبێلی تۆمەتباردا.

بەڕێوەبەرایەتی پۆلیسی پارێزگای سلێمانی ئڕوونیشی كردووەتەوە، پاش وەرگرتنی بڕیاری دادوەر، لەلایەن ھێزەكانی پۆلیسەوە ماڵی تۆمەتبار پشكنراو توانرا دەستبگیرێت بەسەر پارچەیەك چەك و چەندین فیشەكدا و لە ئێستاشدا تەقەكەرەكە بەبڕیاری دادوەر ڕاگیراوە و لێكۆڵینەوە لەگەڵیدا بەردەوامە.

خەڵك – بەشی هەواڵ