سەردێر

دیداری سلێمانی بۆ لامەركەزی بەڕێوەدەچێت

سلێمانی ـ نزار جەزا
ئەمڕۆ شەممە دیداری سلێمانی بۆ لامەركەزی لەلایەن دوو زانكۆی سلێمانی و پۆلیتەكنیكی سلێمانییەوە بەڕێوەدەچێت، كە پێیانوایە كاری ئەكادیمییەكانە گرنگی لامەركەزیەت ڕوونبكەنەوە.

زانكۆی سلێمانی و زانكۆی پۆلیتەكنیكی بەهاوكاری ناوەندی كاروباری یاسایی یەكێتیی نیشتیمانیی كوردستان دیداری سلێمانی بۆ لامەركەزی ئەنجام دەدەن.

دانا ئەحمەد، یاریدەدەری سەرۆكی زانكۆی پۆلیتەكنیكی سلێمانی بە (خەڵك)ی ڕاگەیاند، لامەركەزی بۆتە پێویستییەكی ئیداری بۆ حكومەتی هەرێمی كوردستان و ئەم هەلومەرجەی ئێستای كوردستان.

ئەوەشی خستەڕوو، پێویست ئەوە ڕوونبكەنەوە، كە لامەركەزیەت تاكە فریادڕەسە بۆ هەر پارێزگایەك، بۆئەوەی هەر پارێزگایەك پشكی خۆی لە ئیدارە و دارایی و شۆڕكردنەوەی دەسەڵاتەكان هەبێت.

باسی لەئەوەشكرد، ئەم هەوڵە لەپلە و پایەی حكومەتی هەرێم كەمناكات، بەڵكو پێگەی پتەوتر دەكات و هەمووان پاڵپشتی حكومەت دەبن.

ئاماژەی بەئەوەشدا، كاری ئاكادیمیان و مامۆستایانی زانكۆیە، كە كاربكەن لەسەرئەوەی لامەركەزیەت شیبكەنەوە و بەپڕۆژە پێشكەشی حكومەتی هەرێمی بكەن.

ماوەیەكی درێژە بەشێوەی فەرمی و نافەرمی لەسەر ئاستی باڵادا قسە لەسەر لامەركەزیەت دەكرێت، بەڵام هێشتا هەنگاوی كرداری بۆ نەنراوە و تەنها قسەی لەسەر دەكرێت.

No description available.

No description available.

No description available.