سەردێر

بەفر و باران بارین بەردەوام دەبێت

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ شەممە ئاسمان هەوری باراناوی دەبێت بە درێژایی كات، لەگەڵ بارینی بەفر بەتایبت لە ناوچە بەرزەكان.

هەر بەپێی پێشبینییەكان، سبەینێ یەك شەممە ئاسمان نیمچە هەور دەبێت لەگەڵ ئەگەری نمە باران لە ناوچە شاخاوییەكان.

بەپێی زانیارییەكان، ئەمڕۆ شەممە لە ناوەندی زۆربەی شارەكانی هەرێم بەفر بارین دەستیپێكردووە و كەشناسیش ئاماژە بۆ ئەوە دەكات، مەودای بینین كەم دەبێتەوە.