سەردێر

هاتووچۆی ڕاپەڕین لەبارەی مامەڵەی گۆڕینی خاوەندارییەوە بڕیارێكی دەركرد

خەڵك-
بەڕێوەبەرایەتی هاتووچۆی ئیدارەی راپەڕین بڕیاریاردەدات مامەڵەی پەنجەمۆری گۆڕینی خاوەندارێتی ساڵانەی ئۆتۆمبێڵا بۆ ئۆتۆمبێلی تابلۆی پارێزگەكانی دهۆك و هەولێر، بەهەمانشێوەی تابلۆی سلێمانی لێبكات.

بەپێی ڕاگەیەندراوێك كە لەلایەن هاتووچۆی ئیدارەی راپەڕینەوە بڵاوكرایەوە” لە كانونی دوەم/1)ی 2021 مامەڵەی تابلۆی پارێزگەی سلێمانیان راییكرد، بڕیاریانداوە لە رۆژی 21ی (شوبات/2)ی 2021ەوە پەنجەمۆر/ئیقراری بەناوكردنی ساڵنامەی ئۆتۆمبێلی تابلۆی پارێزگاكانی هەولێر و دهۆك وەربگرن”.

هەر لە ڕاگەیەندراوەكەدا هاتووە”ئۆتۆمبێلی هەڵگری تابلۆی پارێزگاكانی هەولێر و دهۆك بەهەمو جۆرەكانیەوە بۆ كڕیار و فرۆشیار پەنجەمۆر وەردەگیرێت و سەردانی بەڕێوەبەرایەتیەكانیان دەكرێت بۆئەوەی بەناوبكرێت”.

ئەم بڕیارەی بەڕێوەبەرایەتی هاتووچۆی ئیدارەی ڕاپەڕین لەكاتێكدایە كە پێشتر بەمەبەستی بەناوكردنی ئۆتۆمبێل، ئەو كەسانەی كە ئۆتۆمبێلی تابلۆی پارێزگەكانی هەولێر و دهۆكیان دەكڕی، پێویستبو خاوەنی ئۆتۆمبێلەكە لەگەڵ خۆیان ببەن بۆ ئەو دوو پارێزگەیە تا پەنجەمۆری گۆڕینی ساڵنامەكەی پێبكەن”.