سەردێر

عەلی باپیر: لەگەڵ بەشخوراوانین

خەڵك-
ئەمڕۆ لەشاری سلێمانی كۆنگرەی چوارەمی كۆمەڵی ئیسلامی دەستیپێكرد و تێیدا ئەمیری حزبەكە وتی هیوادارین ئەوەی نەمان توانیوە بیكەین لە داهاتوو باشتر ئەنجامی بدەین و كۆنگرە وێستگەی بەخۆداچوونەوەبێت.

عەلی باپیر ئەمیری كۆمەڵی ئیسلامی كوردستان لە چوارەمین كۆنگرەی حزبەكەی وتی: ئێمە تێڕوانین و بۆچوونەكانمان لە وەحی خوداوە وەردەگرین و لەڕووی سیاسییەوە بە هاوسەنگی مامەڵەمان كردووە و هەوڵمانداوە لەگەڵ چینی بەشخوراوان و زوڵم لێكراوان بین.

وتیشی: فراكسیۆنی ئێمە لە بەغدا و لەهەرێمی كوردستانیش هەرشتێك حەق بێت پشتگیری دەكەین و هیوادارین ئەوەی نەمان توانیوە بیكەین لە داهاتوو باشتر ئەنجامی بدەین و كۆنگرە وێستگەی بەخۆداچوونەوەبێت.

كۆنگرەی چوارەمی كۆمەڵی ئیسلامی لەشاری سلێمانی و بە بەشداری 892 ئەندام بەڕێوەدەچێت و بریارە دووڕۆژ بەردەوام بێت و ئەمیرێكی نوێ‌ دەستنیشان بكرێت.

بەپێی زانیارییەكان پێشبینی دەكرێت جارێكی دیكە عەلی باپیر وەك ئەمیری حزبەكە هەڵبژێردرێتەوە.