سەردێر

خۆڵبارین سلێمانی دەگرێتەوە

خێرایی با 10 بۆ 15 كم لە سەعاتێكدا دەخەمڵێنرێت

خەڵك-
كەشوهەوای پارێزگاكانی هەرێمی كوردستان بە هەمان شێوەی ڕۆژانی پێشوو ناجێگیر دەبێت زۆربەی كاتەكان ئاسمان نیمچە هەور دەبێت و پلەكانی گەرما ڕوو لە دابەزینە و خێرایی با 10 بۆ 15 كم لە سەعاتێكدا دەخەمڵێنرێت.

ئاسۆ كەمال بەڕێەبەری كەشناسی سلێمانی بە(خەڵك) ی راگەیاند، كەشوهەوای پارێزگاكانی هەرێمی كوردستان بە هەمان شێوەی ڕۆژانی پێشوو ناجێگیر دەبێت زۆربەی كاتەكان ئاسمان نیمچە هەور دەبێت و پلەكانی گەرما ڕوو لە دابەزینە و خێرایی با 10 بۆ 15 كم لە سەعاتێكدا دەخەمڵێنرێت.

وتیشی، بەهۆی كاریگەری ناوچەكە بە بای باشور و باشووری ڕۆژئاوا لە ئێستادا لە زۆرێك لە ناوچەكانی ناوەڕاست و باشووری عێراق شەپۆلێكی خۆڵبارین گرتویەتیەوە كە تاڕادەیەك كاریگەری لەسەر ناوچەكانی خۆشمان هەیەو بەو هۆیەوە ئاستی بینین كەمبووەتەوە و بۆ رۆژانی داهاتووش كەشوهەوا هەر بە ناجێگیری دەمێنێتەوە و ئەگەری باران بارین دەبێت.

ئاماژەی بەوەشكرد، لە پارێزگای سلێمانی بۆ ئەمڕۆ نزمترین پلەی گەرمی پێشبینی كراو 5 پلە دەبیت و بەرزترین 13 پلەو ڕادەی شێ‌ %80 دەبێت.

وتیشی “ڕێژەی باران بارینی ئەمساڵ لە پارێزگای سلێمانی 350 ملم ە و ساڵی ڕابردوو لەم كاتەدا 369 ملم بوو”.