سەردێر

سەندیكای ڕۆژنامەنوسان داوای ئازادكردنی ڕۆژمەوانانی بادینان دەكات

خەڵك-
سەندیكای ڕۆژنامەنوسانی كوردستان داوای ئازادكردنی (چالاكوان و ڕۆژنامەنوس)ی بادینان داوا دەكات و بەپێویستی دەزانێت یاسای ژمارە 35 ڕۆژنامەگەری ساڵی 2007بۆ كەیسی ڕۆژنامەگەری كاری پێبكرێت.

بەپێی نوسراوێك كە لەلایەن سەندیكای ڕۆژنامەنوسانی كوردستانەوە بڵاوكرایەوە”پێویستە لە هەرێمی كوردستان تەواوی ئازادی ڕادەربڕین و چالاكی مەدەنی دەستەبەر بكرێت، ڕێكاری یاسایی بەپێی یاسا بەركارەكانی بواری ڕۆژنامەگەری و چالاكی مەدەنی جێبەجێ بكرێت”.

هەر لە نوسراوەكەدا سەندیكای ڕۆژنامەنوسان دەڵێت”بۆ ئەمەش داوای جێبەجێكردنی یاسای ژمارە 35 ڕۆژنامەگەری ساڵی 2007 دەكەین بۆ یەكلاییكردنەوەی كەیسی ڕۆژنامەگەری، هەروەها سەندیكا داوای ئازادكردنی سزادراوەكانی بادینان دەكات”.

دوێنێ سێ‌ شەممە، لە دادگاكانی هەولێر، هەریەك لە شێروان و شێروانی و ئەیاز كەرەم و گوهدار زێباری و شڤان سەعید و هاریوان عیسا ڕۆژنامەوانانی سەربەخۆ و چالاكوانانی مەدەنی، بە شەش ساڵ زیندانی سزادران بە بیانوی هەوڵدان و ئامادەكاری بۆ رێكخستنی چالاكی توندوتیژی، بڕیارەكەش كاردانەوەی لەناوخۆی لە ناوچە جیاجیاكانی هەرێم لێكەوتەوە.