سەردێر

توركیا بە تەمای ئۆپەراسیۆنی نوێیە

خەڵك-

كوژرانی 13 دیلی توركیا لە ئۆپەراسیۆنەكەی گارە كە ئەنقەرە دەڵێت پەكەكە كوشتوونی و پەكەكەش دەڵێت لە بۆردومانی توركیادا كوژراون، مشتومڕێكی زۆری لەنێوخۆ و دەرەوەی توركیادا دروستكردووە.

ئەنقەرە نیگەرانی خۆی لەبەرامبەر راگەیەنراوی وەزارەتی دەرەوەی ئەمریكادا نیشان دا كە گومانی لە لێدوانەكانی توركیا هەبوو كە گوایە پەكەكە 13 دیلەكەی توركیای كوشتووە.

لەنێوخۆی توركیاش ناڕەزایەتی هەیە لەسەر شێوازی ئۆپەراسیۆنەكەی گارە، بۆیە وەزیرانی بەرگری و ناوخۆ لە پەرلەمان روونكردنەوەیان دا لەسەر سەختی چیای گارە و قورسی ئۆپەراسیۆن لەوێ، هاوكات وەزیری بەرگری سەردانی حزبە ئۆپۆزسیۆنەكانی كرد بۆ رونكردنەوەی چۆنێتی ئۆپەراسیۆنەكە.

ئیسماعیل حەقی فەرماندەی سەربازی خانەنشینكراوی توركیا رایگەیاند، كێوەكانی قەندیل ئاستەنگێكی گەورەیە بۆ هێزی توركیا بەهۆی سەختی چیاكەوە، لەگەڵ ئاستەنگی سیاسی كە پێویستی بە پشتیوانی بەغدا و تاران و هەولێر هەیە.

دەشڵێت: ژینگەیەكی دەرەوەی و نێوخۆیی بۆ هێرش بۆ سەر پەكەكە لەگەڵ بوونی توڕەیی فەڕمی و جەماوەری گەورە لە ئەنجامی كوژرانی سڤیلەكان هەیە، وەزیری بەرگری و ناوخۆ سەردانی پارتی جەهەپەی ئۆپۆزسیۆن و حزبە نوێیەكانی ئۆپۆزسیۆنی كردووە وردەكاری ئۆپەراسیۆنەكەی بۆ رونكردنەوە بە ئامانجی وەرگرتنی رەزامەندی ئۆپۆزسیۆن بۆ ئۆپەراسیۆنێكی گەورەی سەربازی.

راشیگەیاند، سوپای توركیا ئەزمونی گەورەی ئۆپەراسیۆن و چەكی پێشكەوتوو و توانای ستراتیژی بەرزی هەیە لەگەڵ سیستمی زانیاری و هەواڵگری پێشكەوتوو واتای چی ئەم توانا سەربازییە لە هەر ساتێكدا وەربگەڕێ.