سەردێر

بەفر و باران و با بەردەوام دەبێت

خەڵك-

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ چوار شەممە ئاسمان هەوری تەواو دەبێت، لەگەڵ زیادبوونی خێرایی با و باران بارین، ناوچە شاخاوییەكانی بارانی زیاتری دەبێت، لە ئێوارەدا باران بارین تەنها لەسەر ناوچە شاخاوییە سنوورییەكان دەمێنێتەوە.

هەر بەپێی پێشبینییەكان، سبەینێ پێنج شەممە ئاسمان هەور و باران بارین دەبێت، لەكاتەكانی نیوەڕۆ ئاستی باران بارین زیاتر دەبێت، لەگەڵ هاتنی بارستە هەوایەكی سارد و نزمبوونەوی پلەكانی گەرما و بارین بەفر لە زۆربەی ناوچە شاخاوییەكان.

بەرێوەبەرایەتی گشتی كەشناسی و بومەلەرزەزانی هەرێمی كوردستان ئاشكراشیدەكات، لە 24 كاتژمێری ڕابردوودا زۆرترین باران لە ناوچەی چۆمان سەر بە پارێزگای هەولێر بە بڕی 62.3 ملم باریوە.

ئاشكراشیدەكات، خێرایی با لەكاتی ئێستا چالاك بووە و لە هەندێك ناوچە خێرایی با گەیشتووەتە سەرووی 40 كم لە كاتژمێرێكدا بۆ ئەمڕۆ ئەو خێرایی بەردەوامی دەبێت.