سەردێر

ڕەشەباكەی سلێمانی بەرنامەی كارەبای پەك خست

خەڵك-

بەڕێوەبەرایەتی گشتی كارەبای سلێمانی ڕایدەگەیەنێت، بەهۆی ڕەشەباوە بەرنامەی پێدانی كارەبا جێبەجێ ناكرێت.

بەڕێوەبەرایەتی گشتی كارەبای سلێمانی لە ڕاگەیەنراوێكدا ئاماژە بۆ ئەوە دەكات، ئاگاداری هاووڵاتیانی ناو شارو دەرەوەی شار دەكەینەوە كە بەهۆی ئەو ڕەشەبایەی ئەمشەو زیانێكی زۆر بەر تۆڕەكانی گواستنەوە و دابەشكردنی كارەبا كەوتووە و بەهۆیەوە كۆنتڕۆڵی كارەبا ناتوانێت بەرنامەی كارەبا جێبەجێ بكات.

ئاشكراشیكرد، بە گوێرەی داتاكانی كۆنتڕۆڵی كارەبای سلێمانی لە كۆی ٦٠٠ فیدەری كارەبای سنووری پارێزگای سلێمانی ۱٠ لاینی ۱۳۲ كەی ڤی و ۱٥ لاینی ۳۳ كەی ڤی گواستنەوەی وزەی كارەبا و ( ۲۷۹)ی ۱۱ كەی ڤی لە دەرەوە و ناو شار كەوتوون و تیمەكانی سیانەكانی كارەبا سەرقاڵی چارەسەركردنی كێشەكانن بۆ ئاساییكردنەوەی بەرنامەی دابەشكردنەوەی كارەبا.