سەردێر

یەكگرتوو: هێرشەكەی هەولێر، هەوڵێكی دوژمنكارانەیە بۆ تێكدانی ئارامی هەرێم

خەڵك-

ئەمینداری گشتی یەكگرتووی ئیسلامی كوردستان ڕایدەگەیەنێت، ناحەزانمان بە مووشەكبارانكردن دەیانەوێت ئارامی پایتەخت بشێوێنن.

سەلاحەدین بەهائەدین ئەمینداری گشتی یەكگرتووی ئیسلامی كوردستان دوای مووشەكبارانكردنی شاری هەولێر ڕایەگەیاند، موشەكبارانكردنی ئەمشەوی هەولێر هەڵگری پەیامێكی ڕوونی ناحەزانی ئەزمونی گەلەكەمانە و هەوڵێكی دوژمنكارانەیە بۆ تێكدانی ئارامی پایتەختی هەرێم.

وتیشی”‏مووشەكبارانكردنی ئەمشەوی هەولێر هەڵگری پەیامێكی ڕوونی ناحەزانی ئەزمونی گەلەكەمانە و هەوڵێكی دوژمنكرانەیە بۆ تێكدانی ئارامی پایتەختی هەرێم، وێڕای بەتوندی ئیدانەكردنی، دەخوازم هێزە سیاسییەكان بە تێكرا بەرپرسانە تێی بڕوانن و ئەركی خۆیان جێبەجێ بهێنن لە یەكریزی و یەكهەڵوێستی پێویست”.

ئەوی ڕابردوو چەند موشەكێك ئاڕاستەی هەولێر كرا و چەند كەسێك بوونە قوربانی.