سەردێر

جوتیاران پارەی گەنمەكانیان وەردەگرن

 

خەڵك-

ئەندامێكی پەڕلەمانی عێراق دەڵێت، ئەمڕۆ بڕی ٢٦٨ ملیار دینار كە پێشتر بریاری لێدرابوو بۆ پارەی گەنمی جوتیاران خەرج دەكرێت.

موسەننا ئەمین، ئەندامی پەرلەمانی عێراق، لە پەیجی تایبەتی خۆی لە تۆڕی كۆمەڵایەتی فەیسبوك نوسیویەتی، “لە دوای بەدواداچونی دوور و درێژ بۆ بابەتی مافی جوتیارانی هەرێمی كوردستان لە ساڵانی ٢٠١٤ ،٢٠١٥ ،٢٠١٦ ، كۆتاجار دوێنێ كاتژمێر ١١:٤٠ی شەو وەزیری بازرگانی عێراق پەیوەندی پێوە كردم كە سبەینێ، (واتە ئەمڕۆ سێشەممە) كێشەی مافی جوتیاران و خەرجكردنی بڕی ئەو ٢٦٨ ملیار دینارەی پێشتر بڕیاری لەسەر درابوو بۆ جوتیارانی هەرێم خەرج بكرێت”.

ئەوەشی ڕاگەیاندووە، عەبدولرەحمان عەجی تۆفان بەڕێوبەری گشتی دانەوێڵە لە وەزارەتی بازرگانی عێراق پەیوەندی پێوەكردم و رایگەیاند، “هەموو رێوشوێنە كارگێرییەكان تەواو بووە و بڕیاری كۆتایی دراوە بۆ خەرجكردنی نیوەی ئەو بڕە پارەیە بۆ جوتیارانی هەرێم”.

بەڕێوبەری گشتی دانەوێڵە لە وەزارەتی بازرگانی ئەوەشی خستۆتەروو، “لە ئەمڕۆ سێشەممەوە ئێمە دەست دەكەین بە داواكردنی موعتەمەدەكان لە پارێزگاكانەوە بێن بۆ وەرگرتنی چەكی پارەكە و لە ڕۆژانی داهاتوو پارەكەیان پێدەدرێت.”