سەردێر

لانی كەم ١٤ مووشەك تەقێنراون

خەڵك-
وتەبێژی هاوپەیمانیی نێودەوڵەتی وردەكاریی نوێی لەبارەی ژمارەی قوربانییان و ژمارەی ئەو مووشەكانە ڕاگەیاند كە شەوی رابردوو ئاراستەی پایتەختی هەرێمی كوردستان كران.

وێین مۆرۆتۆ وتەبێژی هاوپەیمانیی نێودەوڵەتی بۆ ڕووبەڕووبوونەوەی داعش ئەمڕۆ سێشەممە ڕایگەیاند: “كاتژمێر ٩:٣٠ خولەكی شەوی ڕابردوو لانی كەم ١٤ مووشەكی جۆری (كاتیۆشا ١٠٧) تەقێنراون و سێ لەو مووشەكانە بەر بنكەی هاوپەیمانان كەوتوون”.

ئاماژە بەوەشكراوە، بەهۆی موشەكەكانەوە یەك بەڵێندەری سڤیل گیانی لەدەست داوە و لەبارەی رەگەزنامەكەشی تەنیا ئاشكرای كردووە كە “ئەمریكی نییە”، نۆ كەسیش بریندار بوون، هەشت كەسیان بەڵێندەری سڤیلن و یەك كەسیش سەر بە هێزە سەربازییەكانی ئەمریكایە.

ئاماژە بەوەشكراوە كە حكوومەتی هەرێمی كوردستان سەرقاڵی لێكۆڵینەوەیە و زانیاریی زیاتر لە كاتی خۆیدا بڵاو دەكرێتەوە.

شەوی رابردوو كاتژمێر 9:30، چەند مووشەكێك ئاراستەی شاری هەولێر و دەوربەری كران و بەر چەند شوێنێك كەوتن لە ئەنجامدا چەند كەسێك برینداربوون.