سەردێر

پنتاگۆن، ووردەكاری هێرشەكەی هەولێر ئاشكرا دەكات

خەڵك-

وەزارەتی بەرگری ئەمریكا ڕایدەگەیەنێت، 14 مووشەكی كاتیۆشا ئاڕاستەی بنكەیەكی هێزەكانیان لە هەولێر كراوە.

جۆن كێربی وتەبێژی وەزارەتی بەرگری ئەمەریكا (پنتاگۆن) لە لێدوانێكیدا ڕایگەیاند، 14 مووشەكی كاتیۆشا ئاڕاستەی بنكەیەكی هێزەكانمان كراوە لە هەولێر.

وتیشی”بەهۆی مووشەكەكانەوە بەڵێندەرێك كوژراوە و شەشی دیكەش برینداربوون، كە یەكێكییان سەربازە”.

لای خۆشییەوە گروپی سەرایا ئەولیا‌ودەم كە گروپێكی سەر بە ئێرانن، بەرپرسیارییەتی هێرشە مووشەكییەكەیان گرتە ئەستۆ و ئاشكرایانكرد، خۆیان بە خاوەنی خوێنی قاسم سولەیمانی و ئەبومەهدی موهەندیس دەزانن.

شەوی ڕابردوو هێرشێكی مووشەكی كرایەسەر هەولێر و بەهۆیەوە چەندین كەس بوونە قوربانی و لای خۆشییەوە مەسرور بارزانی سەرۆكی ئەنجومەنی وەزیرانی هەرێمی كوردستان ڕایگەیاند، بەتوندی سەركۆنەی هێرشە موشەكییەكە دەكەم و هێزە ئەمنییەكانیشمان لێكۆڵینەوەیەكی وردیان دەستپێكردووە.