سەردێر

هاوسەرۆكی یەكێتی هێرشەكانی سەر هەولێر سەركۆنە دەكات

لاهور شێخ جەنگی هاوسەرۆكی یەكێتیی نیشتمانیی كوردستان ڕایدەگەیەنێت: بە تووندی هێرشەكانی سەر هەولێر سەركۆنە دەكەم.


هاوسەرۆكی یەكێتیی نیشتمانیی كوردستان لە جریوەیەكدا لە تۆڕی كۆمەڵایەتی تویتەر سەبارەت بە پەلامارە مووشەكییەكەی كە كرایە سەر شاری هەولێر نووسیویەتی: “بە تووندی هێرشەكانی سەر هەولێر سەركۆنە دەكەم كە ژیانی هاووڵاتییانی خستووەتە مەترسییەوە”.

لاهور شێخ جەنگی ئاماژەی بەوەشداوە، “بە هیچ شێوەیەك ڕێگە نادەین ژیانی هاووڵاتییانمان بخرێتە مەترسییەوە و سەقامگیریمان تێك بدرێت، داواش لە لایەنە پەیوەندیدارەكان دەكەین لێكۆڵینەوە لەو هێرشانە بكەن و ئەنجامدەرانی ڕووبەڕووی لێپرسینەوە بكرێنەوە”.

خەڵك – بەشی هەواڵ



هەلبژاردە

گرنگترینەکان