سەردێر

سكرتێری جڤاتی گشتی بزووتنەوەی گۆڕان دەستی لەكار كێشایەوە

خەڵك-

سكرتێری جڤاتی گشتی بزوتنەوەی گۆڕان و كاندید بۆ ئەندامی خانەی راپەڕاندن دەستی لەكار كێشایەوە.

پێشڕەو رەئوف بە میدیاكانی راگەیاند، بەهۆی ئەوەی هەڵبژاردنەكەی ئەمڕۆی حزبەكەی رێككەوتن بووە و پێشتر دەرچووەكان دیاریكراون دەستلەكاردەكێشێتەوە.

ئەمە لەكاتێكدایە ئەمڕۆ شەممە جڤاتی نیشتمانی بزوتنەوەی گۆڕان بۆ پڕكردنەوەی سێ پۆستی خانەی راپەڕاندن كۆبوەو لە كۆبوونەوەكەدا هەر یەك لە شێخ كامیل قادر بە 40 دەنگ بۆ پۆستی سكرتێری جڤاتی نیشتمانی، و سەفین مەلا قەرە بە 44 دەنگ بۆ پۆستی سكرتێری كاروباری فراكسیۆنەكان و ئاسۆ ڕەحیم بە 43 دەنگ بۆ پۆستی سكرتێری كاروباری باژێڕەكان، هەڵبژێردران.

لەماوەی رابردوودا هەریەك لە(عەدنان عوسمان سكرتێری جڤاتی نیشتمانی، شەماڵ عەبدول وەفا سكرتێری باژێرەكان، جەلال جەوهەر سكرتێری فراكسیۆنەكان) بەهۆی ناڕەزایەتیان بەرامبەر سیاسەتەكانی ئێستای گۆڕان لەهەرێمی كوردستان دەستیان لەكار كێشایەوە.