سەردێر

شارەوانی هەڵەبجە دەست بە دەوامی فەرمی دەكاتەوە

 

خەڵك-

سەرۆكایەتی شارەوانی هەڵەبجە ڕایدەگەیەنێت، هەفتەی داهاتوو دەست بە دەوام دەكەنەوە.

سەرۆكایەتی شارەوانی هەڵەبجە لە ڕاگەیەنراوێكدا ئاماژە بۆ ئەوە دەكات، دوای ئەوەی لەخۆپیشاندانی ساڵی ڕابردوو لەلایەن هەندێ كەسەوە لەكاتی خۆپیشانداندا بینای سەرۆكایەتی شارەوانی هەڵەبجە سوتا و دواتر لە مانگی كانونی دووەمی ئەمساڵ بڕیاری نۆژەنكردنەوەی درا، بەو بۆنەوە بۆ ماوەی زیاتر لە (20) ڕۆژ دەوامی فەرمی ڕاگیرا لەدوای نۆژەنكردنەوەی بیناكە.

 

ئاشكراشیكرد، بەشی كارگێڕی لەسەرۆكایەتی شارەوانی هەڵەبجە بڕیاریداوە ڕۆژی یەك شەممە دەوامی فەرمی بكرێتەوە بۆ ئەو مەبەستە ئاگاداری فەرمانبەران دەكات پابەندی دەوام بن و لەكاتژمێر 9:00 تاكاتژمێر 1:00ی پاش نیوەڕۆ كاروباری هاووڵاتیان ڕایی بكەن.