سەردێر

پەیەدە؛ هێرشەكانی توركیا بۆ لەناوبردنی خەڵكی كوردستانە

خەڵك-
ئەنجومەنی گشتی پارتی یەكێتی دیموكرات ڕایدەگەیەنێت ، بۆ سەر گەلی كوردستان بۆ هەموو جیهانی دەیسەلمێنن، مەبەست لەو هێرشانە، لەناوبردنی خەڵكی كوردستان و هەبوونی گەلی كوردە لەسەر خاكی مێژوویی خۆی، كە ئەمە بەپێی عەقڵییەتی عوسمانییە و هێرشەكانیان بۆ سەر چیای گارەش شەرمەزار دەكەن.

ئەنجومەنی گشتی پارتی یەكێتی دیموكرات – پەیەدە لە ڕاگەیەنراوێكدا بڵاویكردەوە، تورك هێشتا دەیسەلمێنێت بە دوای عەقڵییەتی نكۆڵیكردن و لەناوبردنی بوونی گەلی كورد دەكەوێت و كۆمەڵكوژیی ‌و قڕكردنی خەڵكی كوردستان بە هەموو جیهان نیشان دەدات.

لە ڕاگەیەنراوەكەدا هاتووە، كە ئەوان بانگ لە هەموو گەلی كوردستان دەكەن، كە لە دژی هەموو ڕەنگەكانی هێرش و دەستدرێژییەكانی دەوڵەتی توركیا یەكدەست بن و بەردەوام بن تێكۆشان.

ئەمەی خوارەوە دەقی بەیاننامەكەی پەیەدەیە:
لە كاتێكدا ساڵیادی پیلانگێڕیی نێودەوڵەتی لە دژی ڕێبەر عەبدوڵا ئۆجالان، نزیك دەبێتەوە و هەڵوێستی نێودەوڵەتی و جەماوەریی داوای ئازادكردنی ڕێبەر ئۆجالان و كۆبوونەوەی گەلی كوردستان لە دەوری ڕێبەرایەتی، پرۆژە و فەلسەفەی برایەتی گەل و ژیانی ئازاد تا دێت زیاتر دەبێت، دەوڵەتی تورك هێشتا دەیسەلمێنێت، كە بە دوای عەقڵییەتی نكۆڵیكردن و لەناوبردنی، بوونی گەلی كورد دەكەوێت و كۆمەڵكوژیی ‌و قڕكردنی خەڵكی كوردستان، بە هەموو جیهان نیشان دەدات.

سوپای دەوڵەتی توركی داگیركەر، ڕۆژی چوارشەممە (10ی شوبات) لە دژی هێزەكانی بزووتنەوەی ڕزگاریی كوردستان، ئۆپەراسیۆنێكی سەربازیی دەست پێكرد و هێرشی كردە سەر هەرێمی چیای گارا و ناوچەكانی دەوروبەری، بۆیە ئێمە وەك ئەنجومەنی گشتیی پەیەدە، ئەو هێرشانە شەرمەزار دەكەین، كە بۆ هەموو جیهانی دەیسەلمێنن، مەبەست لەو هێرشانە، لەناوبردنی خەڵكی كوردستان و هەبوونی گەلی كوردە لەسەر خاكی مێژوویی خۆی كە ئەمە بەپێی عەقڵییەتی فاشیستی عوسمانییە.

ئێمە بانگ لە نەتەوەیەكگرتوەكان، دەوڵەتانی گەورە، چالاكوانان و ڕێكخراوەكانی مافی مرۆڤ دەكەین، بۆ ڕاگرتنی شەڕی كۆمەڵكوژیی بە كۆمەڵ لە دژی خەڵكی كوردستان و سیمبولەكانی ‌و گەریلاكانی هەپەگە، هەڵوێستیان هەبێت، هەروەها بانگ لە هێز و لایەنە نەتەوەییەكانی باشووری كوردستان و حكومەتەكانی عێراق و باشووری كوردستان دەكەین، لە ئاست ئەم هێرشانەدا بێدەنگ نەبن و هەڵوێستێكی ڕوون و چارەنووسساز نیشان بدەن.

ئێمە بانگ لە هەموو گەلی كوردستان دەكەین، كە لە دژی هەموو ڕەنگەكانی هێرش و دەستدرێژییەكانی دەوڵەتی تورك یەكدەست بن و بەردەوام بن تێكۆشان.

هەروەها داوا لە دەوڵەتی توركیش دەكەین، كە هێرشە دڕندانەكانی بۆ سەر كورد لە وڵاتانی دراوسێ، ڕابوەستێنێت و چارەسەری ئاشتییانە بۆ دۆزی كورد بدۆزێتەوە.