سەردێر

یەكێتی دەربارەی مووچە پەیامێك بە مامۆستایان دەدات

خەڵك-
ئەندامێكی مەكتەبی سیاسی یەكێتیی نیشتمانیی كوردستان ڕایدەگەیەنێت، پشتیوانی لەهەر پڕۆژەیەك دەكات بۆ چارەسەری مووچە و گوزەرانی مامۆستا و فەرمانبەران و دەشڵێت: “بەدەر لەوە بەهیچی تر ڕازی نابن”.

د. میران محەمەد، ئەندامی مەكتەبی سیاسی و لێپرسراوی مەكتەبی ڕێكخراوە دیموكراتییەكانی یەكێتی لبە ئامادەبوونی فەهمی بورهان، بەرپرسی بۆردی ڕێكخراوە دیموكراتییەكان و دڵشاد مەجید، سكرتێری لقی سلێمانی یەكێتی مامۆستایان، لەگەڵ بەشێكی مامۆستایانی سلێمانی كۆبووەوە.

د. میران محەمەد، لە هەژماری خۆی لە فەیسبووك ڕایگەیاندووە، “لە كۆبونەوەماندا لەگەڵ مامۆستایان جەختمانكردەوە لە هەڵوێستی نەگۆڕی یەكێتی بۆ دابینكردنی مووچە و شایستەكانی مامۆستایان و مووچەخۆران”.

وتیشی، “یەكێتی پشتیوانی لەهەر پڕۆژەیەك دەكات بۆ چارەسەری مووچە و گوزەرانی مامۆستا و فەرمانبەران و بەدەرلەوە بە هیچی تر ڕازی نابێت”.

ماوەیەكە یەكێتی گەڕی كۆبوونەوەكانی لەگەڵ چین و توێژەكان لەچوارچێوەی كۆكردنەوەی داواكارییەكانی هاووڵاتیان و مووچەخۆران و هەروەها كۆكردنەوەی پشتیوانی بۆ لامەركەزی پارێزگاكان دەستپێكردووە.

May be an image of 7 people, people standing, people sitting and indoor

May be an image of 20 people, people standing and people sitting