سەردێر

شێخ جەعفەر لەسەر شەڕەكەی بازگەی تاسڵوجە ڕوونكردنەوە دەدات

خەڵك-
جێگری سەرۆكی هەرێمی كوردستان لەسەر ڕوووداوەكەی ئەم بەیانییەی بازگەی تاسڵوجە، كە بووە هۆی كوژرانی كارمەندێكی ئاسایش و برینداربوونی سیای دیكە ڕوونكردنەوەیەك بڵاودەكاتەوە و ئاشكرای دەكات، كە ئەو پێشمەرگانەی دەستیان هەبووە لە ڕووداوەكە ڕادەستی یاسا كراون.

نووسینگەی شێخ جەعفەر شێخ مستەفا، جێگری سەرۆكی هەرێم لە ڕوونكردنەوەیەكدا، كە وێنەی دراوە بە (خەڵك) ئاماژەی بەوەكردووە، لە كاتی ئاگاداركردنمان لەم ڕووداوە ئانیە، دەست بەجێ فەرمانمان دا كە هەر كەسێك دەستی هەبووە لەو ڕووداوە، ڕووبەڕوی یاسا بكرێتەوە، بۆیە ئەو پێشمەرگانەمان دەست بەجێ ڕادەستكرد كە بەشداری ئەو ئاڵۆزییە بوون.

ڕوونكرنەوەیەك لە نوسینگەی تایبەتی شێخ جەعفەر شێخ مستەفا

سەرلەبەیانی ئەمڕۆ ڕێكەوتی ٢٠٢١/٢/١٠ لە بازگەی دەروازەی تاسلوجە، ئاڵۆزیەك دەكەوێتە نێوان چەند پێشمەرگەیەك و برایانی ئاسایشی سلێمانی كە بە داخەوە بوە هۆی شەهید بوونی برایەكی ئاسایش بە ناوی (شاخەوان ئەحمەد محمد)، لێرەوە پرسە و سەرەخۆشی خۆمان ڕادەگەیەنین لە خوای گەورە داواكارین كە گیانی پاكی بە بەهەشتی بەرین شاد بكات.
لە كاتی ئاگاداركردنمان لەم ڕووداوە ئانیە، دەست بەجێ فەرمانمان دا كە هەر كەسێك دەستی هەبووە لەو ڕووداوە، ڕووبەڕوی یاسا بكرێتەوە، بۆیە ئەو پێشمەرگانەمان دەست بەجێ ڕادەستكرد كە بەشداری ئەو ئاڵۆزییە بوون، ئێمە خۆمان بە بەشێك لە ئاسایشی ئەم هەرێمە دەزانین، هەموو كات ئامادەین بۆ پارێزگاریكردن لە سەروەری یاسا.

نوسینگەی تایبەت