سەردێر

ئامارێكی نوێی تایبەت بە كۆرۆنا بڵاوكرایەوە

خەڵك-
وەزارەتی تەندروستی حكومەتی هەرێمی كوردستان، ئاماری 24 كاتژمێری ڕابردووی كۆرۆنا بڵاودەكاتەوە و ئاماژە بە تۆماركردنی 69 تووشبووی نوێ‌ دەكات.


بەپێی ئامارێك كە ئەمڕۆ چوار شەممە لەلایەن وەزارەتی تەندروستی حكومەتی هەرێمی كودستانەوە بڵاوكرایەوە”لەماوەی 24 كاتژمێری ڕابردوو، 3 هەزار و 705 كەس پشكنینی كۆرۆنایان كردووە و دەركەوتووە كە 69 كەسیان تووشی كۆرۆنا بوون، ژمارەی چاكبوونەوە لە كۆرۆنا 113 كەسە كە زۆربەیان لە سلێمانی بوون”.
وەزارەتی تەندروستی هەرێم دەڵێت، لەماوەی 24 كاتژمێری ڕابردوو، هیچ كەسێك بەهۆی بە پەتاكەوە گیانی لەدەستنەداوە.

هەر بەپێی ئامارەكەی وەزارەتی تەندروستی هەرێم، كۆی گشتی ژمارەی تووشبوان بە ڤایرۆسی كۆرۆنا لە سەرەتای بڵاوبوونەوەى لە هەرێم، گەیشتۆتە 106 هەزار و 660 كەس، 101 هەزار و 916 كەسیش نەخۆشییەكەیان پەڕاندووە و چاكبوونەتەوە، 3 هەزار و 492 كەسیش بەهۆی پەتاكەوە گیانیانلەدەستداوە.