سەردێر

سوپای توركیا ئۆپەراسیۆنی گەورەی بۆ پەكەكە دەستپێكرد

وەزارەتی بەرگری توركیا : هێزمان لە سنوری چیای گارە دابەزاندووە

خەڵك-

لە بەرەبەیانی ئەمڕۆ چوار شەممەوە سوپای توركیا ئۆپەراسیۆنی گەورەی بۆ سەر چیای گارە لە سنووری شارۆچكەی ئامێدی لە دەڤەری بادینان لە سنووری پارێزگای دهۆك دەستپێكردووە.

بەپێی زانیارییە رۆژنامەوانییەكان فڕۆكە جەنگییەكانی توركیا بۆردومانێكی چڕی چیای گارە و بارەگاكانی پەكەكەیان كردووە و دواتر هێزی سەربازی لە ئاسمانەوە بە فڕۆكە دابەزێندراوە.

بەپێی ئەو زانیارییانە لە بەیانییەوە شەڕێكی قورس لەنێوان سوپای توركیا و گەریلاكانی پارتی كرێكارانی كوردستاندا دەستیپێكردووە و كوژراو و بریندار لە هەردوولایەنی شەڕ هەن.

لای خۆیەوە وەزارەتی بەرگری توركیا لە راگەیەنراوێكدا ئاشكرایكرد كە لە بەیانی ئەمڕۆوە سوپای توركیا ئۆپەراسیۆنێكیان بۆ سەر چیای گارە دەستپێكردووە.

وەزارەتی بەرگری توركیا ئاشكراشیكرد هێزیان لە سنوری چیای گارە دابەزاندووە.

تا ئێستا هێزەكانی پاراستنی گەل هەپەگە باڵی سەربازی پارتی كرێكارانی كوردستان پەكەكە هیچ لێدوانێكیان نەداوە، سەرچاوە مێدیاییەكانی پەكەكەوە ئاشكرایانكرد لە چیای گارە شەڕی قورس هەیە.