سەردێر

وەزارەتی دارایی ڕاگەیەنراوێكی بڵاوكردەوە

خەڵك-
وەزارەتی دارایی و ئابووری حكومەتی هەرێمی كوردستان بڕیاریدا بە خەرج كردنی قەرزی كرێی خوێندنی كەسوكاری شەهید و ئەنفالكراوان و زیندانیانی سیاسی.

وەزارەتی دارایی و ئابووری هەرێم لە نووسراوێكدا بۆ وەزارەتی شەهیدان، ئاماژەی بەوەكردووە، “پاڵپشت بە یاسای ژمارە(9)ی ساڵی 2007 یاسای ماف و ئیمتیازاتی كەسوكاری شەهیدان و ئەنفالكراوان، ئەمڕۆ بەرواری 2021/2/9 وەزیری دارایی و ئابوری ئاوات جەناب نوری ڕەزامەندی دا لەسەر خەرجكردنی بڕی 19 ملیار و 686 ملیۆن دینار و 472 هەزار دینار بۆ مەبەستی دانەوەی قەرزی كرێی خوێندنی كوڕ و كچی شەهید و ئەنفالكراوان و زیندانیانی سیاسی، بە شێوەی نەقدی”.

ڕاشیگگەیاندووە، ئەو خەرجكردنە ساڵەكانی (2016-2017) و (2017-2018) و (2018-2019) دەگرێتەوە.

جەختیشی كردۆتەوە، گوژمەی خەرجكراو لەسەر بودجەی بەڕێوبەرایەتییە گشتییەكانی سەر بە وەزارەتی شەهید و ئەنفالكراوان دەبێت، بە مەرجێك كارنەكاتە سەر مووچەی فەرمانبەران.

May be an image of text