سەردێر

بەرپرسێكی ئەمریكایی: مەترسی گەڕانەوەی داعش لەئارادایە

خەڵك-
فەرماندەیەكی ئەمریكایی، ئاماژە بە بوونی مەترسییەكانی گەڕانەوەی داعش دەكات بۆ عیراق و سوریا و دەڵێت، تائێستاش ڕێكخراوەكە مایەی مەترسییە بۆ ویلایەتە یەكگرتووەكان.

جەنەراڵ كینیت ماكینزی، فەرماندەی ناوەندی هێزەكانی ئەمریكا لەبەردەم كۆنگرەی پەیمانگەی خۆرهەڵاتی ناوەڕاست ڕایگەیاند:”ڕێكخراوی داعش لەشێوەی یاخیبووندا بەردەوام دەبێت و هەوڵ دەدات لە خۆرهەڵاتی ناوەڕاست و دەرەوەی خۆرهەڵاتی ناوەڕاست خۆی نوێبكاتەوە و پەرە بە ئامانجەكانی بدات، بۆیە دەبێت لەو ڕووەوە بەئاگا و چاوكراوەبین”.

بە وتەی ماكینزی”دەركەوتنی نەوەی نوێی داعش لەڕێی بڵاوكردنەوەی بیری توندڕەوییەوە لەنێو كەمپەكانی سوریا و عیراق كە لەژێر سەرپەرشتی ئەمریكادا نیین، بەدی دەكرێت”.

ئەو فەرماندە ئەمریكاییە دەڵێت”لە كەمپەكاندا ژمارەیەكی زۆری داعش هەن كە هەزارانییان بیانیین، هێزەكانی ئەمریكاش سەرپەرشتی ئەو كەمپانە ناكەن، بۆیە ئەگەری هەڵاتن و دەستپێكردنەوەی چالاكییەكانی ڕێكخراوەكە هەیە”.