سەردێر

70 تووشبووی نوێ‌ بە كۆرۆنا تۆماركرا

خەڵك-
وەزارەتی تەندروستی حكومەتی هەرێمی كوردستان، ئاماری 24 كاتژمێری ڕابردووی كۆرۆنای بڵاودەكاتەوە و ئاماژە بە تۆماركردنی 70 تووشبووی نوێ‌ دەكات.

بەپێی ئامارێك كە ئەمڕۆ دوو شەممە لەلایەن وەزارەتی تەندروستی حكومەتی هەرێمی كودستانەوە بڵاوكرایەوە”لەماوەی 24 كاتژمێری ڕابردوو، هەزار و 862 كەس پشكنینی كۆرۆنایان كردووە و دەركەوتووە كە 70 كەسیان تووشی كۆرۆنا بوون، ژمارەی چاكبوونەوە لە كۆرۆنا 105 كەسە كە زۆربەیان لە سلێمانی بوون”.

وەزارەتی تەندروستی هەرێم دەڵێت، لەماوەی 24 كاتژمێری ڕابردوو، دوو كەس بە پەتاكە گیانیانلەدەستداوە كە یەكێكیان لە سلێمانی و ئەوی تر لە هەولێر بوو، بەمشێوەیە ژمارەی ئەوانەی بەهۆی پەتاكەوە تائێستا گیانیانلەدەستداوە لە هەرێمی كوردستان گەیشتە 3489 كەس كە زۆربەیان پارێزگەی سلێمانی تۆماركراون.