سەردێر

بەكامێراكەی گەڕەكە كۆنەكان ئەرشیف دەكات

زۆربەی گەڕەك و ماڵە كۆنەكان بەرەولەناوچوون دەچن بۆیە هەستام بەڕاگەیاندنی ئەم پڕۆژەیە

خەڵك-
سارا كچە فۆتۆگرافەرێكی شاری سلێمانیەو بە كامێراكەی گەڕەكە كۆنەكان ئەرشیف دەكات و یەكەم كچە فۆتۆگرافەرە ئەو پڕۆژەیەی ڕاگەیاندووە.

سارانامۆ دەربارەی پرۆژەكەی بۆ(خەڵك) دەدوێت و دەڵێت، بیرۆكەی بەئەرشیفكردنم بەوجۆرەلاگەڵاڵە بوو كەڕۆژانە بۆ بازاڕ یان كاروپێداوییتیەكانمان دەڕۆشتم بەناوگەڕەكەكۆنەكانی شاردا دەمبینی زۆربەی گەڕەك و ماڵە كۆنەكان بەرەولەناوچوون دەچن بۆیە هەستام بەڕاگەیاندنی ئەم پڕۆژەیە.

ئەو فۆتۆگرافەرە دەڵێت، “تائێستا بەردەوامم لەئەرشیفكردنی گەڕەكەكۆنەكان و خانوە كۆنەكان وەك گەڕەكی سابوونكەران و قەزازەكان ، مەڵكەندی، كانی ئاسكان، سەرشەقام و دەرگەزێن و شیوی قازی و جوولەكان زۆربەی خانوەكانم لەمگەڕەكانەدا ئەرشیفكردووە بەخۆشحاڵیەوە”.
ئەو دەڵێت، “ئامانجم لەم پڕۆژەیە ئەوەیە ئەم ئەرشیفانەم بهێڵمەوە بۆ دەوڵەمەند كردنی دۆكیومێنتی سلێمانی وەهەروەها بۆئاشنا كردنی نەوەكانی دوای خۆمان ، دەبینم زۆربەی ماڵەكان كران بەگەراج یان نۆژەنكرانەتەوە بەجۆرێك سیمای كۆنی پێوە دیار نیە لەكاتێكا نابێت بەم جۆرە بێت”.

سارا ئاماژەی بەوەكرد، تا ئێستا پڕۆژەكەی تەنها لەپارێزگای سلێمانی بوەو ئەگەر دەرفەتی بۆ بڕەخسێت دەچێتە پارێزگاكانی دیكەش.

سەبارەت بە مامەڵەی هاوڵاتیانی گەڕەكەكان بۆ پڕۆژەكەی سارا وتی، خۆشحاڵانە چووبێتمە بەردەمی هەرماڵێك لەدەرگای هەرماڵێكم دابێت كەپێناسەی خۆم و كارەكەم كردبێت بۆیان زۆر باش بەدەم كارەكەمەوە هاتوون و پێشوازیان لێ كردووم من سوپاسیان دەكەم.

سارا دەڵێت، ئاشنایەتیم لەگەڵ كامێرا لەساڵی 2005 بوو وەك خولیایەك دەستم پێكردو خۆشحاڵانە تاكو ئێستا بەردەوامم و فۆتۆ لای من ئەوپەیامەجوانەیە ئەوچركەساتەیە كەلەچاوی لێنزی كامێراكەمەوە دەیگوازمەوە بۆچاوی بینەران وەك خۆی.

تا ئێستا لە چەند پێشانگایەك بەشداری كردووەو دەڵێت،
لەساڵی 2017 پێشانگای تایبەتیم بەناوی (ڕەنگەكانی من ) بە30فۆتۆی سروشت وەلەساڵی 2018 لەگەڵ شاعیری گەورەو بەئەزموونی نەتەوەكەم (حاكم قوبادی جەلیزادە) پێشانگایەكی هاوبەشمان كردەوە بەناوی (ئاوێزانی ووشەو ڕەنگ) بە 30 فۆتۆو 30 دەقی شیعری پێشكەشی چاوی بینەرمان كرد، ولە 7 پێشانگا ی هاوبەش بەشداریم كردووە لەشاری سلێمانی و دەورو بەری.

سەبارەت بە ستایلی وێنەگرتنی سارا دەڵێت، من زیاتر لەبواری سروشت دا كاردەكەم و هەریەكێك لە ئێمەی فۆتۆگرافەر ئەتوانم بڵێم ستایلی تایبەتی خۆمان هەیە كەزیاتر بینەرەكانمان دركی پێدەكەن.

May be an image of brick wall

May be an image of brick wall and tree

No photo description available.

May be an image of brick wall, buildings and text that says "©Sara Namo"

May be an image of brick wall and monument

No photo description available.

May be an image of text that says "©Sara Namo"

May be an image of brick wall, tree and outdoors

May be an image of buildings, brick wall, outdoors and text that says "©Sara Namo"

May be an image of one or more people and outerwear

May be an image of Sara Namo