سەردێر

بایدن بەڵێن دەدات وەك ترەمپ نەبێت

خەڵك-
جۆ بایدن سەرۆكی ئەمریكا لە یەكەم دیمانەی لە دوای سوێندخواردنی دەستوری، بەڵێن دەدات ڕێگە بە كاریی هیچ ئەندامێكی خێزانەكەی نەدات لەنێو كۆشكی سپی.

گۆڤاری (پیپوڵ)ی ئەمریكایی لە زاری بایدنەوە بڵاویكردەوە”ئیدارەكەی تا ئەندازەكی زۆر لە ئیدارەكەی باراك ئۆباما سەرۆكی پێشووتر دەچێت، بەبێ‌ بەشداریی خێزانی، بەپێچەوانەی ئەوەی لە كۆشكی سپی هەبوو لە سەردەمی دۆناڵد ترەمپ سەرۆكی پێشوو”.

بە وتەی جۆ بایدن”هیچ ئەندامێكی خێزانەكەی یان خانەوادە گەورەكەی لە هیچ پرۆژەیەكی حكومی یان سیاسی دەرەكی بەشداریی پێناكات و هیچیان نوسینگەیان نابێت لە نێو كۆشكی سپی”.

سەرۆكی ئەمریكا هیوای خواست”لە كاتێكی وەك ئێستای ساڵی داهاتوودا بگەڕێنەوە بۆ سروشتی سەرەكی خۆیان سەبارەت بە ڤایرۆسی كۆرۆنا”.

بایدن دەڵێت”ڕەوشەكە قورس دەبێت لەگەڵ ڕوودانی 100 هەزار بۆ 150 هەزار حاڵەتی گیانلەدەستدان، تەنانەت لەگەڵ بوونی ڤاكسینەكەشدا، گەر خۆپارێزی نەكەن و رێوشوێنی پێویست نەگرنەبەر”.

لە كۆتایی قسەكانیدا سەرۆكی ئەمریكا وتی”هیواخوازن پێشبكەون لەڕووی هێنانەدی دادپەروەریی بۆ هەموو خەڵك، تا كاریی شیاو و هەلی شیاو دەستەبەربكەن و ئابوری گەشەبكات”.