سەردێر

ئەستێرەیەكی گەورەی بەرازیلی یاریی بۆ یانەیەكی عیراق دەكات

خەڵك-
نوسینگەی ڕۆژنامەوانی یانەی دیوانیەی عیراقی، دوایین پەرەسەندنی دانوستانەكان لەگەڵ ئەكسەندەر پاتۆ ئەستێرەی بەرازیلی ئاشكرادەكات.

عەللا بەسری، بەڕێوەبەری نوسینگەی ڕۆژنامەوانی یانەی دیوانیە بە میدیاكانی عیراقی ڕایگەیاند:”دانوستانەكان لەگەڵ ئەو ئەستێرە بەرازیلیە بەڕێژەی 80% تەواو بووە”.

بە وتەی بەسری:”ئەستێرە بەرازیلییەكە لە قۆناغی دووەمی خولی عیراقی، درێسی یانەی دیوانییە لەبەردەكات و لە خولی عیراقیدا یاریی دەكات”.

ئەلكسەندەر پاتۆ ئەستێرەی جیهانی، كارلێكی لەگەڵ بڵاوكراوەیەكدا كردووە لەسەر تۆڕە كۆمەڵایەتییەكان لەبارەی یاریكردنی لە خولی نایابی عیراق.

بەپێی بڵاویكراوەیەكیش كە لەسەر پەیجە كۆمەڵایەتییەكانی تایبەت بە هەواڵەكانی خولی نایابی عیراق”ئایا حسێن عەنكوشی سەرۆكی یانەی دیوانییە، ئەو كارە دەكات، تا بەشێوەیەكی ڕیشەیی چەمكی پیشەگەریی لە خولی عیراقدا بگۆڕێت؟”، پاتۆش دەستەواژەیەكی بەكارهێناوە كە زۆرجار لەلایەن ئەستێرەكانەوە بە واتای “چاودێریی و چاوەڕوانی”دێت.

لەم چەند ڕۆژەی دواییدا، لە نێوەندە وەرزشییەكان، باس لە ئەگەری هاتنی ئەكسەندەر پاتۆ ئەستێرەی بەرازیلی كرا بۆ یاریكردن لە یەكێك لە یانەكانی خولی نایاب، چاودێرانی بواری وەرزشیش پێیوانیوایە “پاتۆ” زۆر نزیكە واژۆی یاریكردن بۆ یانەی دیوانییە بكات.