سەردێر

كۆڤید20 لە هەرێم تۆمارنەكراوە

خەڵك-

بەڕێوەبەری گشتی تەندروستی ئیدارەی ڕاپەڕین ڕایدەگەیەنێت، لەگەڵ دەستپێكردنەوەی پڕۆسەی خوێندنین.

دیار ئیبراهیم بەڕێوەبەری گشتی تەندروستی ڕاپەڕین بە دەنگی ئەمریكای ڕاگەیاند، بارودۆخی ڤایرۆسی كۆرۆنا لەئاستێكی باشدایە، ئەو شەپۆلەی پێشتر لەكاتی سەرهەڵدانییەوە تاوەكو چەند ڕۆژێك بەر لەئێستا چەند كاتێك هەبوو زیادبوون و كەمی زۆری تێداهەبوو ڕێژەیەكی زۆری هاووڵاتی بەركەوتەی ڤایرۆسی كۆرۆنابوون، بەڵام بەخۆشحاڵییەوە ئێستا دەبینین ڕێژەكان لەتەواوی دنیا كەمبووەتەوە و لەهەرێمی كوردستانیش ڕێژەكان بەرەو كەمین، ئەمانە جێگەی شانازین لەهەرێمی كوردستاندا.

وتیشی: بارودۆخی هەرێمی كوردستان لەڕووی ڤایرۆسی كۆرۆنا و لەڕووی دەروونی هاووڵاتیانەوە ئاسایی بوووەتەوە و زۆر باشە، داواش لەهاووڵاتیانمان دەكەین لەسەر ئەو ڕێكارانە بەردەوام بن بۆ ئەوەی زیاتر بەركەوتەی ڤایرۆسی كۆرۆنامان نەبێت.

ئاشكراشیكرد، لەهەرێمی كوردستان تائێستا بەفەرمی هیچ ڕاگەیاندنێكمان نییە كە ئەو جۆرە نوێیەی ڤایرۆسی كۆرۆنا تۆمار كرابێت، بەڵام بەدڵنیاییەوە وەزارەتی تەندروستی كۆمەڵێك ڕێنمایی دەركردووە بۆ ئەوەی ڕێكاری نوێ بگرنەبەر تاڕێگری بكرێت لەبازگەكان و لەخاڵە سنورییەكان و لە فڕۆكەخانەكانەوە بۆ ئەوەی ئەو هاووڵاتیانەی دێن ناویان تۆماربكرێت لەكۆمەڵێك وڵات كە لەڕێنماییەكانی وەزارەتی تەندروستی ناویان هاتووە.

ڕوونیشیكردەوە، ئەگەر پڕۆسەی خوێندن دەست پێبكاتەوە، بەڵام بتوانرێت ڕێكاری تەواو بگیرێتەبەر بۆئەوەی بتوانرێت هەم سوود لەخوێندنەكە وەربگرین هەم سوودیش لەڕێنماییەكان وەربگرین، بەمەرجێك نەبێتەهۆی مەترسی لەسەر ژیانی مامۆستا و خوێندكارانیش.