سەردێر

چاكسازی بەردەوامە

خەڵك-ئارام سەردار

وەزیری كاروباری شەهیدان و ئەنفالكراوانی هەرێمی كوردستان ڕایدەگەیەنێت، ئەمساڵ بەهۆی ڕەوشی تەندروستی و نەخۆشی كۆڕۆنا هاوشێوەی ساڵانی ڕابردوو مەڕاسیمی گەورە ئەنجام نەدرا.

عەبدوڵڵای حاجی مەحموود، وەزیری كاروباری شەهیدان و ئەنفالكراوان لەمەڕاسیمی شەهیدانی یەكی شوبات ڕایگەیاند، بەناوی سەرۆكی حكومەت تاجە گوڵینەمان لەسەر گڵكۆی شەهیدان دانا كە بوونەتە قوربانی بۆ ئاشتی و ئارامی هەرێمی كوردستان، ئەو دەستكەوتانەی هەن بەرهەمی خوێنی ئەوانە لەسەرۆكایەتییەكانی هەرێم و حكومەت ‌و پەڕلەمان.

دەشڵێت، ئەمساڵ بەهۆی ڕەوشی تەندروستی و نەخۆشی كۆڕۆنا هاوشێوەی ساڵانی ڕابردوو مەڕاسیمی گەورە ئەنجام نەدرا و خوێنی قوربانیانیش بەرز دەنرخێنین.

لەبارەی پڕۆسەی چاكسازی و لیستی ناوی شەهیدان، وەزیری كاروباری شەهیدان و ئەنفالكراوان وتی: میكانزمی گونجاومان بۆ چاكسازی گرتۆتەبەر، چەند ڕێنماییەكیش دەركراوە و پڕۆسەكەش بەردەوامە و لەداهاتوو ئەنجامی باشی دەبێت، چاكسازیش بۆ هێنانە كایەی دادپەروەرییە.

ئەوەشی خستەڕوو، نەهێنانەوەی ڕووفاتی ئەنفالكراوان بەهۆی بڵاوبوونەوەی كۆڕۆنا بووە و لەماوەی داهاتوو ڕووفاتەكان دەگەڕێننەوە هەرێمی كوردستان.