سەردێر

دوو ژن بە تۆمەتی دزیكردن دەستگیر كران

خەڵك-
بەڕێوەبەرایەتی پۆلیسی هەولێر ئاشكرای دەكات، كە دوو ژنیان لەسەر ئەنجامدانی دزی لە دوو هاوووڵاتی دەستگیر كردووە.

هۆگر عەزیز، وتەبێژی بەڕێوەبەرایەتی پۆلیسی هەولێر بۆ (خەڵك) ئاماژەی بەوەكرد، بەشی پۆلیسی نەهێشتنی تاوان، نووسینگەی خەبات، ئاگاداركرانەوە بە بوونی دوو حاڵەتی دزینی پارە لە دوو هاووڵاتی لەسەر ڕێگای نێوان هەولێر – خەبات، نزیك بازگەی كانی قرژاڵە.

ڕاشیگەیاند، دەستیان بە لێكۆڵینەوەیەكی ورد كرد و توانییان دوو ئافرەت بە ناوەكانی (ی.س.ع) و (چ.س.ص) بە تۆمەتی ئەنجامدانی دزییەكان دەستگیر بكەن.

ئاشكراشی كرد، تۆمەتبارانی ناوبراو، دانیان نا بە تاوانەكەیاندا، كە لە دوو كاتی جیاوازدا بڕی (6 هەزار دۆلار) و (2 ملیۆن و 550 هەزار دینار)یان دزیوە، بۆیە پەڕاوی لێكۆڵینەوەیان بۆ كرایەوە و بە بڕیاری دادوەر و بەپێی ماددە (446) لە یاسای سزادان، بەند كران.