سەردێر

بۆردی ڕێكخراوە ژینگەییەكانی سلێمانی- هەڵەبجە پێكهێنرا

دوای سێ‌ كۆبونەوە، بۆردی رێكخراوەكانی تایبەت بە ژینگە دروست كرا

خەڵك-
لەسەر داوای دەستەی پاراستن و چاككردنی ژینگەی هەرێم لە سنووری پارێزگای سلێمانی و هەڵەبجە، دوای سێ‌ كۆبونەوە بۆردی رێكخراوەكانی تایبەت بە ژینگە دروست كرا.

مەعروف مەجید كەوەك هاوسەرۆكی بۆردەكە هەڵبژێردرا بە (خەڵك) ی ڕاگەیاند، لەسەرداوای دەستەی پاراستن و چاككردنی ژینگەی هەرێم، بانگهێشتی رێكخراوەكانی تایبەت بە ژینگە كرا، بۆ دروستكردنی بۆردی تایبەت بە رێكخراوەكان، وەكو رێكخراوەكانی تایبەت بە ژینگە لە سنووری پارێزگای سلێمانی و هەڵەبجە، دوای سێ‌ كۆبونەوە، بۆردی رێكخراوەكانی تایبەت بە ژینگە دروست كرا.

وتیشی، كۆتا كۆبونەوە لە بەرواری 26/1/2021 بە ئامادەبوونی ٢٠ ڕێكخراوی تایبەت بە ژینگە، لە فەرمانگەی ژینگەی پارێزگای سلێمانی، هەڵبژاردن بۆ ستافی بۆرد كرا كە پێكهاتبوو لە حەوت كەس، دواتر دوو كەس بۆ هاوسەرۆكانی بۆرد دەستنیشانكران و ئەمڕۆش لە كۆنگرەیەكی ڕۆژنامەوانی دا بە ئامادەبوونی بەشێك لە كەناڵەكانی ڕاگەیاندن، بۆردەكە ڕاگەیەندرا.

ئاماژەی بەوەشكرد، لە دوای راگەیاندنی ئەم بۆردەوە، سەرجەم رێكخراوە ژینگەییە مۆڵەتدراوەكانی فەرمانگەی رێكخراوە ناحكومییەكان دەتوانن ببنە ئەندام تێیدا و هاوكارمان بن لە سەرخستنی بۆردەكەدا.



هەلبژاردە

گرنگترینەکان