سەردێر

 بۆیەكەم جار ژنێك بووە جێگری پارێزگار

خەڵك-
ئەمڕۆ لە مەراسیمێكدا كە بریكاری وەزیری ناوخۆو پارێزگاری سلێمانی و سەرۆكی ئەنجومەنی پارێزگا ئامادەی بوون مەراسیمی دەستبەكاربوون بۆ جێگری نوێی پارێزگاری سلێمانی رێكخرا.

لە كۆنگرەیەكی ڕۆژنامەوانیدا هەڤاڵ ئەبوبەكر پارێزگاری سلێمانی ڕایگەیاند، لەیلا عومەر وەك جێگری پارێزگاری سلێمانی بۆ كارو باری كارگێری دەستبەكار دەبێت.

وتیشی، پێشتر عومەر قەڵادزێی ئەو پۆستەی بەڕێوەدەبرد، بەڵام
بەهۆی خانەنشین بوونەوە لە پۆستەكەی دووركەوتۆتەوە.

هاوكات لەیلا عومەر وەك یەكەم ژن لە پۆستی جێگری پارێزگاردا بە ڕۆژنامەنووسانی وت، هیوادارم ئەوەی نەكراوە لەپێشوودا من بتوانم ئەنجامی بدەم بە هاوبەشی لەگەڵ پارێزگار و تیمەكانی ئەنجومەنی پارێزگا.

بۆیەكەمجارە لەمێژووی سلێمانیدا ژنێك پۆستی جێگری پارێزگار وەربگرێت.